Эрүүл мэндийн байгууллагуудын сул ажлын байрны зар

ГОВЬ-АЛТАЙ АЙМГИЙН ЭРҮҮЛ МЭНДИЙН САЛБАРЫН 2023 ОНЫ ЭХНИЙ 10 САРЫН ЭРҮҮЛ МЭНДИЙН ҮЗҮҮЛЭЛТ

МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРЛИЙН ШАЛГАЛТЫН БҮРТГЭЛ 2023.11.08-13-НИЙ ӨДӨР ХҮРТЭЛ ЯВАГДАЖ, 2023 ОНЫ 11 ДҮГЭЭР САРЫН 15-НЫ ӨДРИЙН 10:00 ЦАГТ ЦАХИМААР ЗОХИОН БАЙГУУЛАГДАНА.

Хүүхдийг Ивээх Сан АНУ-д төвтэй “Денан төсөл” Говь-Алтай аймгийн Чандмань сумд эрүүл мэндийн төсөл хэрэгжүүлж байна. Энэхүү төслийн хүрээнд шүдний кабинет байгуулж сумын Эрүүл мэндийн төвд 2022 оны 11 дүгээр сарын 1-ний өдөр хүлээлгэн өгсөн нь орчин үеийн шүдний кабинетад байх шаардлагатай бүхий л тоног төхөөрөмжийг багтаасан бөгөөд шүдний дижитал рентген, бүрэн тоноглогдосон бор сандал, алслагдсан бүс нутагт явуулын амны хөндийн эрүүл мэндийн тусламж үйлчилгээ үзүүлэх боломжтой зөөврийн бор сандал, компрессор, багаж ариутгах шүүгээ, ариутгасан багаж савлагч төхөөрөмж, тусламж үйлчилгээнд шаардлагатай нэг удаагийн багаж, эм, хэрэгсэл зэрэг амны хөндийн эрүүл мэндийн тусламж үйлчилгээг цогцоор нь үзүүлэх боломжтой болсон юм. Эрүүл мэндийн төслөөр дамжуулан шинэ төгссөн шүдний эмчийг ажлын байраар хангаад зогсохгүй, ажлын байран дээрх чадавжуулах сургалтыг зохион байгуулж, дадлагажуулснаар Чандмань, Эрдэнэ сум, Баянтоорой тосгоны иргэдэд чанартай эрүүл мэндийн тусламж үйлчилгээг үзүүлж байна. Хүүхдийг Ивээх Сан “Денан” төсөл болон Говь-Алтай аймгийн Чандмань сумын нутгийн зөвлөл хамтран 2023 оны 11 дүгээр сарын 1-ний өдөр Чандмань сумын Эрүүл мэндийн төвд туулах чадвар сайтай, бүрэн тоноглогдсон түргэн тусламжийн “УАЗ” маркийн фургон автомашиныг хүлээлгэн өглөө. Хүүхдийг Ивээх сан "Денан төсөл"-ийн хамт олон, Говь-Алтай аймгийн Чандмань сумын нутгийн зөвлөлийнхөндөө баярлалаа. Цаашидын ажилд нь амжилт хүсье.

Монгол Улсын Засгийн газрын 2007 оны 190 дүгээр тогтоолоор жил бүрийн 10 дугаар сарын 20-ны өдрийг төрийн байгууллагууд үйл ажиллагаагаа иргэдэд сурталчлах, иргэдийн санал хүсэлтийг хүлээн авах “НЭЭЛТТЭЙ ХААЛГАНЫ ӨДӨР” болгон зохион байгуулахаар тогтоосон. Үүний дагуу Эрүүл мэндийн газар “Нээлттэй хаалганы өдөр”-ийг 2023 оны 10 дугаар сарын 20-ний өдрийн 10:30-16:00 цагийн хооронд өөрийн байранд зохион байгууллаа. Тус өдөр иргэдэд байгууллагын танилцуулга бүтэц зохион байгуулалт, хэрэгжүүлсэн томоохон үйл ажиллагаа, эрүүл мэндийн зөвлөгөө, Эрүүл мэндийн салбар дахь сул ажлын байрны танилцуулга, эмнэлгийн тусламж үйлчилгээтэй холбоотой санал хүсэлт, сэтгэл ханамжийн судалгаа зэрэг үйлчилгээг давхардсан тоогоор нийт 80-н иргэнд үзүүллээ. Мөн “Нээлттэй хаалганы өдөр”-т оролцсон иргэдийн дунд танин мэдэхүйн АХА тэмцээн зохион байгууллаа.

НЭЭЛТТЭЙ ХААЛГАНЫ ӨДӨРЛӨГ

Боловсрол, Соёл, Шинжлэх ухааны яам, Эрүүл мэндийн яам, Барилга, Хот Байгуулалтын Яам, Хөдөлмөр, Нийгмийн Хамгааллын Яам, Эрчим Хүчний Яамны Салбарын хяналтын ерөнхий байцаагчийн баталсан 2023 оны 03-00/03 дугаар “Боловсролын сургалтын байгууллагад төлөвлөгөөт хяналт шалгалт хийх удирдамж”-ийн дагуу Говь-Алтай аймийн Эрүүл мэндийн газрын Хяналт шалгалтын хэлтсээс боловсрол, сургалтын 11 байгууллагад төлөвлөгөөт шалгалт хийж холбогдох хяналтын хуудсаар үнэлэхэд 2 байгууллага дунд эрсдэлтэй, 9 байгууллага бага эрсдэлтэй үнэлэгдсэн ба эрсдэл үүсэх магадлал дунджаар 21.8%, хууль сахин мөрдөлт дунджаар 77.2%-тай байна. Төлөвлөгөөт шалгалтад хамрагдсан 11 байгууллагын 8 байгууллагад өмнөх шалгалтаар илэрсэн зөрчлийг арилгуулахаар өгсөн албан шаардлагын биелэлтэд гүйцэтгэлийн шалгалт хийхэд хууль сахин мөрдөлт дунджаар 5%-аар өсч, эрсдэл үүсэх магадлал дунджаар 6.7%-аар буурсан үр дүнтэй байна.

Япон улсын Засгийн газрын буцалтгүй тусламжаар 21 аймгийн Нэгдсэн эмнэлэг, хоёр сумын Эрүүл мэндийн төв, ГССҮТ-ийн Түлэнхийн төв туулах чадвар сайтай, яаралтай тусламжийн үйлчилгээ үзүүлэх бүрэн тоноглогдсон “Ниссан Патрол” загварын түргэн тусламжийн автомашинтай боллоо. Автомашин гардуулах ёслол өнөөдөр /2023-07-07/ ХӨСҮТ-ийн талбайд болж УИХ-ын гишүүн, Засгийн газрын гишүүн, Эрүүл мэндийн сайд С.Чинзориг, Япон улсаас Монгол Улсад суугаа Онц бөгөөд Бүрэн эрхэт Элчин сайд Кобаяши Хироюки болон ЭМЯ, эмнэлгийн удирдлагууд, эмч мэргэжилтнүүд оролцов. Эрүүл мэндийн сайд С.Чинзориг ёслолын үеэр хэлсэн үгэндээ Япон улсын Засгийн газраас Монгол Улсын эрүүл мэндийн салбарт 1991 оноос хойш Төслийн бус буцалтгүй тусламж, Техникийн хамтын ажиллагааны хөтөлбөр болон “Өвсний үндэс - Хүний аюулгүй байдал” хөтөлбөрөөр дамжуулан үнэтэй хөрөнгө оруулалтыг хийсээр ирснийг онцлоод “Дэлхий нийтийг хамарсан коронавирус КОВИД-19-ийн цар тахлын үед Япон улсын Засгийн газраас Монгол Улсын Эдийн засаг, нийгмийн хөгжлийг дэмжихэд зориулж 2020 оны зургадугаар сард олгосон 1.0 тэрбум иенийн буцалтгүй тусламжийн хүрээнд Япон улсад үйлдвэрлэсэн эмнэлгийн тоног төхөөрөмж, түргэн тусламжийн автомашин болон эмнэлгийн бусад хэрэгслийг олгохоор тусгаж, тоног төхөөрөмжүүдийг 2021 оны 4-р улирлаас нийлүүлж эхэлсэн. Өнөөдөр гардуулж буй туулах чадвар сайтай, бүрэн тоноглогдсон “Ниссан Патрол” маркийн 24 машиныг бүх аймгийн Нэгдсэн эмнэлгээс гадна Өвөрхангай аймгийн Богд, Баянхонгор аймгийн Баацагаан сумын ЭМТ, ГССҮТ-ийн Түлэнхийн төвд өгч байгаа юм. Аймаг орон нутаг туулах чадвар сайтай, бүрэн тоноглогдсон түргэн тусламжийн машинтай болсноор эрүүл мэндийн байгууллагуудын үзүүлэх яаралтай тусламж үйлчилгээний чадавх сайжирч, улмаар өвчтөний аюулгүй байдлыг дээшлүүлэхэд чухал хувь нэмэр оруулна гэдэгт итгэлтэй байна. Манай улсын эрүүл мэндийн салбарт үнэтэй хөрөнгө оруулалт хийж, салбарын хөгжилд бодитой дэмжлэг туслалцаа үзүүлж байгаа Япон улсын Засгийн газар, Японы ард түмэнд Монгол Улсын Засгийн газар болон эрүүл мэндийн салбарын хамт олны нэрийн өмнөөс гүн талархал илэрхийлье” хэмээсэн юм. Япон Улсын Засгийн газраас коронавирусийн цар тахлын нөхцөл байдалтай холбогдуулан Монгол Улсын Эдийн засаг, нийгмийн хөгжлийг дэмжихэд 1,0 тэрбум иенийн Төслийн бус буцалтгүй тусламжийг олгохоор 2020 оны зургадугаар сарын 17-ны өдөр хоёр улсын Засгийн газар хооронд Солилцох ноот бичигт гарын үсэг зурсан. Энэхүү Төслийн бус буцалтгүй тусламжаар коронавирусийн цар тахлын үед өвчнийг хянах, хүн амын эрүүл мэндийг хамгаалах үйл ажиллагааг дэмжих зорилгоор эрүүл мэндийн салбарт шаардлагатай тоног төхөөрөмж, эмнэлгийн хэрэгслийг нийлүүлэхээр болсны дагуу нийт санхүүжилтийн 59,37 хувийг аймаг, дүүргийн нэгдсэн эмнэлэг, эрүүл мэндийн төв болон төрөлжсөн мэргэшлийн эмнэлэг, тусгай мэргэжлийн төвүүдийг эмчилгээ, оношлогооны нэн шаардлагатай тоног төхөөрөмж, техник хэрэгслээр хангахад, 31,32 хувийг АШУҮИС-ийн харьяа Монгол-Японы сургалтын эмнэлэгт, 3,91 хувийг Онцгой байдлын ерөнхий газарт тус тус олгохоор шийдвэрлэсэн юм. Энэ дагуу тус улс эрүүл мэндийн байгууллагуудад нэн шаардлагатай тоног төхөөрөмжүүд, түргэн тусламжийн машин нийлүүлэх ажлаа ийнхүү бүрэн гүйцэтгээд дуусч буй юм.

ХӨСҮТ-ийн ДОХ, БЗДХ-ын тандалт судалгааны албаны ажлын хэсэг манай аймагт ажиллаж нэгдсэн эмнэлэг, өрхийн ЭМТ, сумын ЭМТ-ийн БЗДХ, ХДХВ, ДОХ-ын тусламж үйлчилгээ болон тандалтын үйл ажиллагаанд хяналт тавьж мэргэжил арга зүйн зөвлөгөө өглөө. Ажлын хэсэг нэгдсэн эмнэлгийн БЗДХ-ын кабинет, лаборатори болон Энх-Алтай, Марал-Алтай ӨЭМТ, Шарга сумын ЭМТ-ийн үйл ажиллагаатай танилцан холбогдох албан тушаалтан, эмч эмнэлгийн мэргэжилтнүүдэд хяналт үнэлгээний дүнг танилцуулах уулзалт зохион байгууллаа.

Эрүүл мэндийн даатгалын шимтгэлийн хувь, хэмжээний талаарх мэдээллийг танилцуулъя ☝

Хариуцлагатай жижүүүр томилох тухай

Хантайшир уулын аймаг байгуулагдсаны түүхт 100 жилийн ойд зориулан Эрүүл мэндийн салбарын ажилтнуудын хандивын тоглолт зохион байгууллаа. Тус тоглолтод ЭМГ, нэгдсэн эмнэлэг, УАУНЭ, Өрхийн эрүүл мэндийн төвүүд, сумын эрүүл мэндийн төвийн төлөөлөл 29 эмч эмнэлгийн мэргэжилтэн оролцлоо. Тоглолт 2023 оны 7 сарын 4-ний өдөр 2 удаа зохион байгуулагдсан бөгөөд тоглолтын орлогыг ойн арга хэмжээнд хандивлах юм.

Гол, усны ослоос урьдчилан сэргийлэх нөлөөллийн аян

Энх мэндийн аялгуу "Хантайшир-100" эрүүл мэндийн салбарын урлагийн тоглолтод хүрэлцэн ирэхийг урья.

Говь-Алтай аймгийн эрүүл мэндийн салбарт шинээр баригдаж буй барилгууд-2023 он